പുരോഗമന കലാസാഹിത്യസംഘത്തിൻ്റെ സമുന്നത നേതാവും എഴുത്തുകാരനുമായ എൻ.രാധാകൃഷ്ണൻ നായരുടെ വിയോഗത്തിൽ സംഘം അഗാധമായ ദു:ഖം രേഖപ്പെടുത്തുന്നു.
ദേശാഭിമാനി സ്റ്റഡി സർക്കിളിൻ്റെ കാലം മുതൽ, ദീർഘകാലമായി പുരോഗമന കലാസാഹിത്യ പ്രസ്ഥാനത്തിൻ്റെ മുൻനിരയിൽ അദ്ദേഹമുണ്ട്. സാംസ്കാരിക രംഗത്ത് നിറഞ്ഞു നിന്നുള്ള അദ്ദേഹത്തിൻ്റെ പ്രവർത്തനങ്ങൾ പുരോഗമന
കലാസാഹിത്യ പ്രസ്ഥാനത്തിൻ്റെ ചരിത്രത്തിൻ്റെ ഭാഗമാണ്. സംഘത്തിൻ്റെ പാലക്കാട് ജില്ലാ സെക്രട്ടറി,
സംസ്ഥാന സെക്രട്ടറി എന്ന നിലകളിൽ അദ്ദേഹം പ്രവർത്തിച്ചു. സാമൂഹ്യപ്രതിബദ്ധതയുടെ
സൗന്ദര്യം എഴുത്തിൽ
ഉയർത്തിപ്പിടിച്ചു.
സാഹിത്യ കലാനിരൂപണങ്ങളിലുടനീളം മനുഷ്യസ്നേഹത്തിൻ്റെ സന്ദേശമാണ് മുന്നോട്ടു വെച്ചത്.
വിഭജനത്തിൻ്റെയും, വിദ്വേഷത്തിൻ്റെയും ഫാസിസ്റ്റ് രാഷ്ടീയത്തിനെതിരെയുള്ള സർഗാത്മക പോരാട്ടങ്ങളിൽ അദ്ദേഹം നേതൃനിരയിൽ അടിയുറച്ചു നിന്നു.
കേരള സംഗീതനാടക അക്കാദമിയുടെ സെക്രട്ടറിയായി മികച്ച പ്രവർത്തനമാണ് രാധാകൃഷ്ണൻ നായർ
നടത്തിയത്. അക്കാദമിയുടെ പ്രവർത്തനങ്ങളെ അദ്ദേഹം കൂടുതൽ ജനകീയമാക്കി. ഇറ്റ്ഫോക്ക് അടക്കമുള്ള നാടകോത്സവങ്ങൾ, സംഗീത - നൃത്തോത്സവങ്ങൾ തുടങ്ങിയവ മലയാളിയുടെ പ്രിയപ്പെട്ട
സാംസ്കാരികാനുഭവമായി
മാറ്റാൻ എൻ രാധാകൃഷ്ണൻ നായരുടെ സർഗാത്മക നേതൃത്വം
പ്രധാന പങ്ക് വഹിച്ചു. കലാകാരന്മാർക്കുള്ള വിവിധ ക്ഷേമ പദ്ധതികൾക്ക് രൂപം നൽകി. കേരള കലാമണ്ഡലം സെക്രട്ടറിയായും അദ്ദേഹം
കലാരംഗത്ത് ശ്രദ്ധേയമായ സംഭാവനകൾ നൽകി.
ആത്മബലിയുടെ ആവിഷ്കാരം
തുടങ്ങിയ നിരൂപണ ഗ്രന്ഥങ്ങൾ പ്രധാനമാണ്. മലയാള കലാഭാവനയെ സൂക്ഷ്മമായി വിലയിരുത്തുന്ന
അദ്ദേഹത്തിൻ്റെ എഴുത്തുകൾക്ക് മലയാള സാഹിത്യ രംഗത്ത് സവിശേഷ പ്രാധാന്യമുണ്ട്
എൻ രാധാകൃഷ്ണൻനായർക്ക്
ആദരാഞ്ജലികൾ
Comments
Post a Comment