പുരോഗമന കലാസാഹിത്യ സംഘം തൃക്കരിപ്പൂര്‍ ഏരിയ

  പുകസ കണ്ണാടിപ്പാറ യൂണിറ്റ് ഗ്രാമീണ ഗ്രന്ഥാലയത്തിന്റെ സഹകരണത്തോടെ പുസ്തക ചർച്ച സംഘടിപ്പിച്ചു. പരിപാടി പുകസ ഏരിയ കമ്മിറ്റിയംഗം ഇ അനിത ഉദ്ഘാടനം ചെയ്തു. റിഗരോസ് ബാബുവിന്റെ തോറ്റവന്റെ തോറ്റം എന്ന കഥ ചർച്ച ചെയ്തു. മനോജ്‌ ടി, സി ഷെമി, രജനി, രഞ്ജിത, സന്മയ, ജിഷ്ണ എന്നിവർ സംസാരിച്ചു. ശരണ്യ സ്വാഗതവും ജിതിൻ രാജ് ആനിക്കാടി നന്ദിയും പറഞ്ഞു. കൃപേഷ് വലിയപറമ്പ അധ്യക്ഷനായി

  ടി എസ് തിരുമുമ്പ് ഭവനത്തിൽ പുഷ്പാർച്ചനയും പൊതുയോഗവും സംഘടിപ്പിച്ചു. തിരുമുമ്പ് കുടുംബാംഗങ്ങളുടെയും പുകസ തൃക്കരിപ്പൂർ ഏരിയ കമ്മിറ്റിയുടെയും നേതൃത്വത്തിൽ നടന്ന പരിപാടിയിൽ ടിവി ശ്രീധരൻ, എൻ ടി കെ സരോജിനി, ഡോ. പികെ രതീഷ്, പിസി പ്രസന്ന, വിനയകുമാർ പികെ, കെ പ്രഭാകരൻ, ഉമേഷ്‌ പിലിക്കോട്, ഗംഗൻ ആയിറ്റി, സി വിജയൻ, രവീന്ദ്രൻ മാണിയാട്ട് എന്നിവർ സംസാരിച്ചു. എൻ രവീന്ദ്രൻ സ്വാഗതം പറഞ്ഞു

  പുരോഗമന കലാസാഹിത്യ സംഘം ആനിക്കാടി യുണിറ്റ് ന്റെ നേതൃത്വത്തിൽ ടി എസ് തിരുമുമ്പ് അനുസ്മരണവും കവിതാലാപനവും സംഘടിപ്പിച്ചു . പരിപാടി പുകസ സംസ്ഥാന കമ്മിറ്റി അംഗം രവീന്ദ്രൻ കൊടക്കാട് ഉദ്ഘാടനം ചെയ്തു. ഉമേഷ്‌ പിലിക്കോട്, ഗംഗൻ ആയിറ്റി, പിസി പ്രസന്ന എന്നിവർ സംസാരിച്ചു. പി ദിലീപ്, ഗോപി മാസ്റ്റർ എന്നിവർ കവിതകൾ അവതരിപ്പിച്ചു. വിവി കൃഷ്ണൻ സ്വാഗതം പറഞ്ഞു എം പദ്മിനി അധ്യക്ഷയായി ടി അബ്ദുൾ ഖാദർ നന്ദി പറഞ്ഞു.

  പുരോഗമന കലാസാഹിത്യ സംഘം തൃക്കരിപ്പൂർ ഏരിയ കമ്മിറ്റിയുടെ നേതൃത്വത്തിൽ പിജി വായനക്കൂട്ടം പ്രതിമാസ പുസ്തക ചർച്ച സംഘടിപ്പിച്ചു. ഇപി .രാജഗോപാലൻ എഴുതിയ എന്റെ സ്ത്രീയറിവുകൾ എന്ന പുസ്തകമാണ് വെള്ളച്ചാൽ എ കെ ജി മന്ദിരത്തിൽ വെച്ച് ചർച്ച ചെയ്തത്. അനീഷ് വെങ്ങാട്ട് പുസ്തക ചർച്ച അവതരിപ്പിച്ചു. ഡോ കെവി സജീവൻ, ടി ബിന്ദു, എൻ കെ ജയദീപ്, സി വിജയൻ, പിപി അനിൽകുമാർ എന്നിവർ സംസാരിച്ചു. എഴുത്തിന്റെ വഴികളെ പറ്റി ഇ പി രാജഗോപാലൻ സംസാരിച്ചു. ഉമേഷ്‌ പിലിക്കോട് സ്വാഗതവും ഇ കുഞ്ഞികൃഷ്ണൻ നന്ദിയും പറഞ്ഞു. എൻ രവീന്ദ്രൻ അധ്യക്ഷനായി തുടർന്ന് പ്രാദേശിക കലാകാരന്മാരുടെ കൂട്ടായ്മ സ്വരലയ വെള്ളച്ചാലിന്റെ വയലാർ ഗാനസന്ധ്യയും അരങ്ങേറി

  മലയാള നിരൂപണത്തിലെ വേറിട്ട ശബ്ദമാണ് ഇ.പി.രാജഗോപാലൻ.സാംസ്കാരിക നിരൂപണത്തിൽ പുതുവഴികളിലൂടെ സഞ്ചരിക്കുന്ന അദ്ദേഹം പ്രഭാഷകനായും സാംസ്കാരിക സംഘാടകനായും നാല് ദശകങ്ങളായി കർമ്മനിരതനാണ്. വിവിധ വിഭാഗങ്ങളിലായി നാല്പതോളം പുസ്തകങ്ങൾ രചിച്ചു. കേരള സാഹിത്യ അക്കാദമി നിർവ്വാഹക സമിതിയംഗമെന്ന നിലയിൽ ശ്രദ്ധിക്കപ്പെട്ട പ്രവർത്തനങ്ങൾക്ക് നേതൃത്വം നൽകി. വായനയിലെ സർഗ്ഗാത്മകതയെ പ്രഥമസ്ഥാനത്ത് നിലനിർത്തുന്ന നിരൂപണമെഴുത്തിൽ നിരന്തരം ജാഗ്രത കാണിക്കുന്ന എഴുത്തുകാരനാണ് ഇ.പി.. ഭാഷയുടെ സാധ്യതയെ പുതുകാല സാഹചര്യങ്ങൾക്കനുസരിച്ച് വികസിപ്പിക്കുന്നതിലൂടെ എഴുത്തിനെ സർഗ്ഗാത്മകവും സംവാദാത്മകവുമാക്കി .പ്രഭാഷണങ്ങളിലൂടെ സാംസ്കാരിക സദസ്സുകളിൽ ചിന്തയുടെ പുതിയ വെളിച്ചമായി. ഇ പി രാജഗോപാലൻ്റെ സാംസ്കാരിക ജീവിതത്തെ പൊതുവായും എഴുത്തു വഴികളെ വിശേഷിച്ചും ചർച്ച ചെയ്യാനുള്ള വേദിയൊരുക്കിയിരിക്കുകയാണ് കാസറഗോഡ് ജില്ലയിലെ പുരോഗമന കലാസാഹിത്യ സംഘം. 2024 ഡിസംബർ 14 ന് കാഞ്ഞങ്ങാട് നഗരസഭ ടൗൺ ഹാളിൽ “നടന്നു പോകുന്ന വാക്ക്.. ഇ.പി.രാജഗോപാലൻ്റെ എഴുത്തു വഴികൾ” എന്ന ശീർഷകത്തിൽ ഒരു ദിവസം നീണ്ടു നിൽക്കുന്ന സാഹിത്യോത്സവം സംഘടിപ്പിച്ചു. മലയാളത്തിലെ പ്രമുഖ...

  പുരോഗമന കലാസാഹിത്യ സംഘം തൃക്കരിപ്പൂർ ഏരിയ കമ്മിറ്റിയുടെ നേതൃത്വത്തിൽ ഗാന്ധി സ്മൃതിയും വയലാർ ഗാനസന്ധ്യയും സംഘടിപ്പിച്ചു. ഇയ്യക്കാട് ഇ എം എസ് സ്മാരക വായനശാലയിൽ വെച്ച് നടന്ന പരിപാടി പുരോഗമന കലാസാഹിത്യ സംഘം സംസ്ഥാന കൗൺസിൽ അംഗം കെ എൻ മനോജ്‌ കുമാർ ഉദ്ഘാടനം ചെയ്തു. എൻ കെ ജയദീപ് വയലാർ അനുസ്മരണ പ്രഭാഷണം നടത്തി  കെ വി കാർത്ത്യായനി, കെവി രാധ, കെവി പദ്മനാഭൻ, ടി രവീന്ദ്രൻ, തമ്പാൻ എന്നിവർ സംസാരിച്ചു. കുട്ടികൾ വരച്ച ഗാന്ധി ചിത്രങ്ങളുടെ പ്രദർശനവും ഗാന്ധികവിതകളുടെ ആലാപനവും സംഘടിപ്പിച്ചു. ഉമേഷ്‌ പിലിക്കോട് സ്വാഗതം പറഞ്ഞു എൻ രവീന്ദ്രൻ അധ്യക്ഷനായി. കെവി രാജൻ നന്ദിയും പറഞ്ഞു. തുടർന്ന് വയലാർ ഗാനസന്ധ്യ യും അരങ്ങേറി.