പുരോഗമന കലാസാഹിത്യ സംഘം തൃക്കരിപ്പൂര്‍ ഏരിയ

 ഹിരണ്യന് ആദരാഞ്ജലികൾ                       എഴുത്തുകാരൻ ഹിരണ്യൻ്റെ വിയോഗത്തിൽ പുരോഗമന കലാസാഹിത്യ സംഘം സംസ്ഥാന കമ്മിറ്റി അഗാധമായ ദു:ഖം രേഖപ്പെടുത്തുന്നു. കവി, സാഹിത്യ വിമർശകൻ എന്നീ നിലകളിൽ അദ്ദേഹം നൽകിയ സംഭാവനകൾ വിലപ്പെട്ടതാണ്. മലയാള കവിതയിൽ മൗലികമായ എഴുത്തിലൂടെ ഹിരണ്യൻ ഏറെ ശ്രദ്ധേയനാണ്. സാഹിത്യചരിത്രപണ്ഡിതനും മികച്ച പ്രഭാഷകനുമാണ്. ഹിരണ്യന് ആദരാഞ്ജലികൾ

 പുരോഗമന കലാസാഹിത്യ സംഘം വെള്ളച്ചാൽ യൂണിറ്റ് പി.ജി. വായനക്കൂട്ടം രൂപീകരിച്ചു. എം. മുകുന്ദൻ്റെ കഥ' ഇത്തിരി ദൂരത്ത് 'ശ്രീ. പി. കുഞ്ഞിക്കണ്ണൻ അവതരിപ്പിച്ചു. വി.കൃഷ്ണൻ മാസ്റ്റർ സംസാരിച്ചു. ചടങ്ങിൽ വെച്ച് അന്തരിച്ച കോൽക്കളി ആശാൻ സി.വി. കുഞ്ഞിരാമൻ, പുത്തിലോട്ടെ ജില്ലാ വളണ്ടിയർ വൈസ് ക്യാപ്റ്റനും എ.കെ.ജി. സെൻ്റർ ജീവനക്കാരനുമായിരുന്ന വി.പി. നാരായണൻ (കല്ലത്ത്), മാണിയാട്ടെ മുരളി പണിക്കർ എന്നിവരെ അനുസ്മരിച്ചു കൊണ്ട് കൊടക്കാട്ട് രാഘവൻ സംസാരിച്ചു. ചന്ദ്ര മോഹനൻ മാസ്റ്റർ അദ്ധ്യക്ഷനായി. ഇ. കുഞ്ഞികൃഷ്ണൻ സ്വാഗതവും കെ. സുനിൽകുമാർ നന്ദിയും പറഞ്ഞു

 പു ക സ കാലിക്കടവ് യൂനിറ്റിൻ്റെ പി.ജി. വായനക്കൂട്ടം പ്രതിമാസ സാഹിത്യ പരിപാടിയുടെ  ഉദ്ഘാടനം പ്രശസ്ത സാഹിത്യകാരി ബിന്ദു മരങ്ങാട് ഉദ്ഘാടനം ചെയ്തു. ടി.ബിന്ദു ടീച്ചറിൻ്റെ " അവൾ ചിരിക്കുന്നു " എന്ന പുസ്തകം ചർച്ച ചെയ്തു. യൂനിറ്റ് സെക്രട്ടറി ഡോ. പി.സി ശ്രീനിവാസ് സ്വാഗതം പറഞ്ഞ യോഗത്തിൽ പ്രസിഡൻ്റ് പി.കെ. മുരളീകൃഷ്ണൻ അദ്ധ്യക്ഷനായി. ജില്ലാ വൈസ് പ്രസിഡന്റ് എൻ. രവീന്ദ്രൻ, ഏരിയാ സെക്രട്ടറി ഉമേഷ് പിലിക്കോട്, ഹരിത, എം.വി. രാധ ടീച്ചർ, മനു എരവിൽ,  അനഘ ശ്രീനിവാസ്, വിജയൻ.ടി, വിനോദ്, സുരേന്ദ്രൻ എന്നിവർ ചർച്ചയിൽ പങ്കെടുത്തു സംസാരിച്ചു. ടി.ബിന്ദു ടീച്ചർ ചർച്ച ഉപസംഹരിച്ച് സംസാരിച്ചു. വി. ചന്ദ്രിക ടീച്ചർ നന്ദിരേഖപ്പെടുത്തി.   

      തദ്ദേശ സ്വയം ഭരണ സ്ഥാപനങ്ങളിലേക്കും നിയമ നിർമാണ സഭയിലേക്കും സ്ത്രീകളുടെ പ്രാതിനിധ്യം വർദ്ധിപ്പിക്കണമെന്ന് വനിത സാഹിതി തൃക്കരിപ്പൂർ ഏരിയാ സമ്മേളനം ആവശ്യപ്പെട്ടു. സമ്മേളനം ഡോ ഷീന ഷുക്കൂർ ഉദ്ഘാടനം ചെയ്തു. എംപി ശ്രീമണി സംഘടന റിപ്പോർട്ടും എം കെ ശ്രീലത പ്രവർത്തന റിപ്പോർട്ടും അവതരിപ്പിച്ചു.പിപി പ്രസന്ന കുമാരി, പിസി പ്രസന്ന, സി എം മീന കുമാരി, എം കെ സുനിത, കെവി ലളിത, ലൈല വി ആർ, ലത പിപി, എൻ രവീന്ദ്രൻ, ഉമേഷ്‌ പിലിക്കോട്   സുമതി കെവി, പൂമണി, സജിത ടീച്ചർ, സുലോചന, അനിജ, തങ്കമണി, പുഷ്പ, ഷൈമ എന്നിവർ സംസാരിച്ചു. സംഗീത നാടക അക്കാദമി ഗുരുപൂജ അവാർഡ് നേടിയ അമ്മിണി ചന്ദ്രാലയം, എ വി ലക്ഷ്മി എന്നിവരെ ചടങ്ങിൽ വെച്ച് ആദരിച്ചു. ഏച്ചിക്കോവ്വൽ യുണിറ്റ് ന്റെ തിരുവാതിരയും അരങ്ങേറി. സംഘാടക സമിതി ചെയർമാൻ ടിപി രാഘവൻ സ്വാഗതം പറഞ്ഞു എം വി രാധ അധ്യക്ഷയായി മേരി ടീച്ചർ നന്ദിയും പറഞ്ഞു. ഭാരവാഹികൾ സെക്രട്ടറി എംകെ ശ്രീലത, പ്രസിഡന്റ് വി ആർ ലൈല, ട്രഷറർ എം കെ സുനിത

     പുകസ തൃക്കരിപ്പൂർ ഏരിയാ കമ്മിറ്റി സംഘടിപ്പിച്ച പിജി വായനക്കൂട്ടത്തിന്റെ ഉദ്ഘാടനം പുകസ സംസ്ഥാന വൈസ് പ്രസിഡന്റ് ഇപി രാജഗോപാലൻ നിർവഹിച്ചു. എൻ രവീന്ദ്രൻ എഴുതിയ പിലിക്കോടിന്റെ ചരിത്രവും വർത്തമാനവും എന്ന പുസ്തകത്തെ അധികരിച്ചുള്ള ചർച്ചയും നടന്നു. ഡോ. കെവി സജീവൻ, സി എം മീനാകുമാരി, ദിനേശ് കൊടക്കാട്, എം വി രാധ, സി മനു എന്നിവർ ചർച്ചയിൽ പങ്കെടുത്തു. ഉമേഷ്‌ പിലിക്കോട് സ്വാഗതം പറഞ്ഞു എൻ രവീന്ദ്രൻ അധ്യക്ഷനായി